Shaitani khajaana

30 saal pehle log andhwishwas par bahut bharosa kiya karte the kyonki koi tantrik unko bata deta tha ki ye aisa hai to wo log bahut asani se bharosa kar liya karte the. us samay pr log tantrik ke kahane par ho lotari aur satta lagate the kyonki unko aisa lagta tha ki tantrik baba hai ye jo ye kahenge vo sach hi hoga.
ek bar kuchh log kisi tantrik se ye puchne aye the ki kahi pr daphan hua khajana unko vah tantrik bata de to vah jaldi se jaldi amir  ban sakte hai. tantrik ne un sabhi se kaha ki apko ye samagri lani hongi aur mujhe is bat pr tantr-mantr ki pooja bhi karani hogi.
ye sabhi log tantrik ki is bat ko mankar wahin par baith jate hai aur uski pooja karane ke bad ane ka intajar karne lagte hai. kuchh der bad tantrik pooja karke bahar ata hai aur sabko ek jagah baithakar unko ek khajane ke bare mein batane lagta hai. tantrik unko batata hai ki ek jangal mein jo ki yaha se lagabhag 80 kilomitar hai us jangal me ek khandar hai us khandar mein bicho bich ek 5 phut jamin ke niche khajana chhipa hai.
in sabhi logo ne us tantrik ki baat ko sahi se suna aur usko ek kitab mein likh liya taki vah sahi se is khajane ko yad rakh sake. ye sabhi 5 log hote hai aur ye is khajane ki khoj mein nikal padte hai. vah tantrik kafi jyada pahucha hua tha jyadatar log is tantrik se hi kam lete the. isliye isne ab tak jo dusron ko bataya tha woh sach nikla tha.
isliye ye 5 log bhi tantrik par bharosa karne lage the kyonki inhone ne bhi is tantrik se kai kaam karwaye the aur kai chizon ka pata bhi nikalwaya tha. ye panchon kisi bus mein baithakar usi pate pr pahuchte hai jo pata inhe tantrik ne bataya tha. ye sabhi jangal ki or ravana ho jate hain jaha pr ek khandar hota hai. ye sabhi log is jangal me us khandar ko dhundne lag jate hai lekin ye khandar inke hath nahi aata hai kyonki vah jangal bahut bada tha aur us khandar ko dhundne ke liye poora jangal talashna tha isliye vah khandar inko pehle din mein nahi mila hi nahi.
in logo ko is khandar ko dhundne mein 3 din lag gaye tab jakar ye khandar inke hath aya. is khandar ko dekhne ke bad unko aisa lag raha tha ki is khandar mein koi kai saalo se nahi aya tha. ye khandar inko dara bhi raha tha kyonki ye khandar kaafi purana tha aur bahut badsurat ho chuka tha isliye ye khandar darawna lag raha tha.
ye log sabhi is khandar mein ghusne se pehle sharab ka sewan karte hai taki inko dar kam lage. ye sabhi log is khandar mein andar chale jate hai aur is khandar ke bichon bich ki jagah talashne lag jate hai aur us jagah pr ruk kar vahan pr dekhte hai ki yahan pr hamain 5 phut gahri khudai karni hogi tabhi wo khajana hamare hath lagega.
ye sabhi log kuchh na kuchh chij lekar is jagah ko khodne lag jate hai aur inko is jagah ko khodne mein 5 se 6 ghante lag jate hai. tab jakar inko ek baksa gada hua najar ata hai. us bakse ko ye sabhi us jagah se nikalte hai aur isko upar lakar rakh dete hai. is bakse ki taraf ye log gaur se dekhte hai inko bakse par ek tala najar ata hai aur tale pr ek lal kapda bandha najar ata hai. sabhi is bakse ko kholne ke liye vyakul ho jate hai lekin ek shakhs samajh jata hai ki is bakse ke andar kuchh galat raaz chhipa hua jaroor hai.
pachwe aadmi ko ye char log najar andaj karte hai aur khajana pane ke chalte us bakse ko kholne ki koshish karne lagte hai. baksa ka tala todte hai aur us par bandha hua kapda bhi ye log khol dete hai. ye baksa pehle hilta hai aur ismain se dhuan uthata hai aur chikhane ki avaje ane lag jati hai.
tantrik is jagah ko aur is khajane ko dekh p raha tha lekin is bakse mein kya hai ye nahi dekh p raha tha kyonki is bakse mein band vah shakti usko khajane ke roop mein dikh rahi thi.
is bakse mein ek shaitani aatma band thi jisko kai saalo pehle is jagah pr daphna diya gaya tha kyonki ye aatma azaad hokar kabhi kisi ka shikar na kare. ye aatma is bakse se nikal kar azaad ho jati hai aur in panchon ko is khandar mein ek ek karke shikaar banane lagati hai. ye shaitani aatma sabhi ko apna shikaar bana leti hai aur berahami se in panchon ka katl kar deti hai. is khandar mein ye aatma apna basera bana leti hai.
main asha karta hoon ki apko ye story apko achchhi lagi hogi. kripya ise apne doston aur rishtedaron ke sath facebook aur whatsapp pr jyada se jyada sheyar karen. dhanyavad.

Sharing is caring!

Close Menu
error: Content is protected !!