Photography – Ek khaufanaak raat

Mera naam Vipul hai.. main photography studio mein kaam karata hoon.. mere paas khud ka camera aa chooka tha esh liye, main private order bhee le leta tha.. ek din meri lata bhabhi nen kutiyaana gaao ka ek kaam dilaaya.. keshee kee birthday party thae.. aane-jaane ka alag se paisa mil raha tha.. aur photography ka bhee accha payment mil raha tha.. esh liye mainne kaam ke liye turant haamee bhar dee.. dikkat sirph yahee thae kee, party der raat tak chalanee thae.. usake baad wahaan par rukane ka koee accha thikaana nahin tha.. esh liye raat mein hee travel kar ke ghar lautana tha.. kaash us khaufanaak raat kee yaad main apne zindagee se mita sakata.. mujhe yaad hai, order kee det par, main camera setup le kar wahaan pahunch gaya tha.. raat ko 8 baje party shuroo huee.. abhee mainne 4 se 5 photo khinchee hee thae tabhee achaanak, ek sunehare baal vaalee goree chittee ladaki mere saamane aa gayee.. usane hol ke baahar aane ka eshhaara kiya.. shaayad use kuchh kaam hoga.. mainne use camera dikhaaya aur kaha abhee nahin aa sakata.. phir kuchh der baad, saaree photo khinch lene par, meri nazar us ladaki ko khojane lagee.. tabhee achaanak wah mujhe ghar ke baahar thode door nazar aaee.. mai fauran usake paas gaya.. usakee aankhon mein gazab ka gussa tha.. usaka chehara pheekee roushni mein bhee laal nazar aa raha tha.. mainne kaha… sorry photo kheenchane tha esh liye nahin aa paaya.. aap yahaan kyoon khadee hain.. andar nahin aana hai ?

Kuchh der tak wah mujhe aeshe hee ghuratee hee rahee.. usake baad wah jhaadee kee aur eshhaara karane lagee.. mainne haath ke eshhaare se mana kiya.. aur ghar kee aur use chale aane ko kaha.. ab usake chehare par gusse kee jagah naaraazagee ka haavabhaav tha.. usane haath ke eshhaare se hee mujhe laut jaane ko kaha.. mere dekhate hee dekhate wah jhaadee ke paar chalee gayee.. mujhase raha nahin gaya to, main bhee usake peechhe peechhe jaane laga.. mainne us vakt, apne bevakoofee ka anjaam tak nahin socha.. kuchh der chalane par ghoop andhera saamane aa gaya.. main achaanak bechenee mahasoos karane laga.. mujhe khoob paseena aane laga.. ab mera dil mujhe chetaavanee de raha tha kee, kuchh bura hone ko hai.. mera fon jeb mein pada tha lekin kapakapaahat ke maare, main use on tak nahin kar pa raha tha.. achaanak meri nazar bhoore patthar par gaee.. aesha lag raha tha kee wahaan par do log baith kar baate kar rahe hain.. main girate padate unakee aur jaane laga.. lekin jab main, wahaan paas pahuncha to meri rooh kaanp gayee.. wahaan par wahee ladaki baithae thae jeshane mujhe jhaadee ke bheetar aane ko kaha tha.. ab usaka vikaraal roop mere saamane tha.. ek dhad par do sir vaala bhayaanak nazaara dekh kar meri cheekh nakal gayee.. us ladaki ke dhad par jo ek aur sir laga hua tha, vo buree tarah kuchala hua tha.. us bhayaanak aakrti se dil dehala dene vaalee aavaaze aa rahee thae.. main usee vakt wahaan se andhaadhundh bhaaga aur keshee tarah ek kachche raaste par aa gira.. thodee hee der mein do bulet vaale ladake aaye aur mujhe, birthday party vaale makaan tak le gae.. unhonne mujhe dhamakaate hue puchha kee, main wahaan jhaadee ke bheetar kya kar raha tha..

Ab ladaki vaalee baat bata kar main apne mushkil aur nahin badhaana chaahata tha.. tabhee achaanak unhonne mujhe zor ka chaanta maara.. aur kaha kee, photo vaapesh dene ke liye bhee yahaan vaapesh mat aana.. unhonne mere paeshe diye aur fauran wahaan se chale jaane ko kaha.. main us jagah se to chala gaya lekin, esh ghatana ke baare mein pata karane par rongate khade kar dene vaalee sachchaee pata chalee.. us ghar ke maalik nen hee parivaar ke saath mil kar apne javaan betee aur usake premee ko maut ke ghaat utaara tha.. kaha jaata hai, un donon ko waheen kaheen jhaadee ke bheetar maar kar gaad diya tha.. tab se un donon kee rooh ek dhad aur do sir ke saath bhatakatee hai.. wahaan jhaadeeyon mein aaye din mare hue pakshee aur jaanavar bhee pae jaate hain.. main us khataranaak jagah se jinda to bach aaya lekin kabhee na mitane vaalee bhayaanak yaad mere zahan mein bas gayee hai..

Sharing is caring!