lalit ka khaufnaak pret

Mera naam Sudhir hai aur main Surat ka rahane wale hoon. J.S.Road per humari kiraane ki dukaan hai. Aaj mujhe humari dukaan per kaam karane waale lalit ke baare mein baat karni hai. Lalit waise to ek mahenatee ladka tha, per saayad ushe kuch dimaagi tkhleph thi. Ushe gussa kaaphi jaldi aa jaata tha, aur wah thoda muh-phat bhi tha. Gareeb ghar ka ladka samajh kar hum ushe kaam to de diye, per humme maaloom nahi tha ki yehi humari sab se badee galati saabit hui. Aaj lalit to ess duniya mein nahi hai per lalit ka khaufnaak pret dukaan per din raat mandaraata rahata hai..

Ek saal phele ek dukhiyaare aurat humari dukaan per aaye, usane haath jaud kar kaha ki mere bete ke liye kuchh kaam dhoondh ke dejiye. Mere papa ne fauran unhe kaha ki aap apne bete ko kal se yaha kaam per bhej dejiye. Ess tarah lalit ko jaane bina hi kaam per to rakh liya per dhere dhere lalit ka gussail swabhaav saamane aane laga, tab lalit humari liye mushibat ban gaya. Papa ne ushe kaie baar samajhaaya per us ladke per koi asar nahi hua. Ek din lalit humari purane graahak se jagad pada aur wah graahek bina samaan liye dukaan se chala gaya. Mere papa ko aur mujhe kaafi gussa aaya. Ab lalit ki wajah se humaara bussiness kharaab ho raha tha. Maine aur papa ne ushe khoob daant kar ghar chale jaane ko kaha. aur ushe yah bhi bol diya ki tum kahin aur kaam dundh lo. Lalit gusse mein til-milaata hua apne cycle le kar ghar ki aur chala gaya. Hum bhi apane kaam mein jhut gaye. Tavi achanak lalit phir se dukaan ke saamane aa dhumka. Lalit ke sir se khoon beh raha tha, to humme chinta huyi, hum fauran uske paas daud gaye. Aur ushe poochhane lage ki kya hua? Lalit kuchh bol nahi raha tha..

hum bhi tension mein aa gaye ki kya karen. Papa ne mujhe davaee laane medical store bheja. taaki uski mahrum patti ki ja sake. Abhi mein dawayi le kar aaya hi tha ki, mere papa ke phone ki ghanti bajji, papa ne phone uthaaya aur baat ki, phone per koi police officer tha.. us police waale ne kaha ki aap ki dukaan per koi lalit naam ka ladka kaam karata tha? Papa ne fauran haan kaha, uske baad us police waale ne yah kaha ki aap jaldi se main road per aa jaye. Us ladke ka accident ho chuka hai aur gatna sthal per hi uski maut ho gaye hai. Yah baat sun kar mere papa ke to paseene chhoot gaye. Maine poochha ki kya hua? to papa ne kaha ki lalit to mar chuka hai,,,, hum donon ne mood kar dekha to pata chala ki humari dukaan se lalit aur usaki sekal gaayab thai. Yaani ki jo abhi abhi humari dukaan per aaya tha wah lalit ka pret tha.. hum gatna sthal per gaye to humane dekha ki lalit ki cycle, truck ke pahiye ke neeche kuchlee padee thi. aur lalit ke sir per gehri chout aayi thi jeski wajah se wahin spot per uski maut ho chuki thi. Kayi logo ne ess baat ki pusti bhi kar di mere papa ne lalit ka antim sanskaar karawaaya. Uski maa ko do laakh roopaye bhi diye. Aur kabhi kabhi papa lalit ki maa ke ghar kiraane ka samaan bhi muft mein bhijawa diya karate hain..

Aaj bhi kaye baar lalit ka pret humari dukaan mein nazar aata rahta hai. Kabhi kabhi dukaan ke baahar cycle ke saath lalit khada nazar aata hai. Aur humari kaee graahak ko bhi lalit daraata rahata hai. shaayad marane ke baad bhi lalit ke gussail swabhaav ne uska peechha nahi chhoda hai.. Papa kabhi kabhi kahte hain ki lalit ko kaam se nahi nikaala hota to shaayad wah aaj zinda hota. Per mein papa ko saantvana de kar samajhata rahata hoon ki maut aur graahak kabhi bhi aa sakte hain ushe koi taal nahi sakata. Uska samay poora hona tha essee liye wah chala gaya. Wah ek accident tha esme aapka koi dosh nahi hai. Aaj lalit to ess duniya mein nahi hai per lalit ka khaufnaak pret dukaan per din raat mundaraata rahata hai..

Sharing is caring!

Close Menu
error: Content is protected !!