jangle kee chudail

kamal ki aatm-kathaa

Mera naam kamal hai.. main ek door daraj ke gaon me rehta hu.. aur mere ghar ke paas me ek kaafi bada jangle hai.. jiske sath sath me ek patla sa raasta hai.. jo mere ghar ke saamne se hee jaata hai.. wo raasta us jangle ke saath sath hote huey aage shehar kee taraf jaata hai.. jis jagah jangle khatam hota hai.. wahan jangle ke thoda se andar ek bahut purana talaab padta hai.. talab purana to hai lekin dekhne me bahut sundar lagta hai.. uske upar kamal ke kai rango ke fool bhi lage hain.. aur theek us talab ke bagal me ek bada sa lamba patthar rakha hai.. us jangle me aane wale sab log uss pawahan se nikaltey huey pathhar par sikkey ya mithaiyan chadhatey hain.. mujhey yaad hai jab main chota tha to mere mummy papa mujhey sikkey dete us patthar par chadhane ko.. log boltey they kee wo uss jangle kee devi hai.. aur wo hamari raksha karein isliye usko khush karne ke liye ham paise chadhatey they.. lekin jaisey jaisey main bada hua.. mujhey pata laga kee asli kahani to kuch aur hee hai.. wo koi devi nahi.. balki us jangle kee khatarnaak chudail hai.. aur jo sikke usko chadhayye jatey they wo ache ke liye nahi balki isliye chadhaye jatey they kee jissey wo hamare saath kuch bura na kare.. batatey hain kee wahan se niklatey huey jo bhi usko bhent nahi chadhata tah uska saath kuch na kuch bura jarur ho jata tha.. yahna tak kee kai logo ki to maut bhi ho gayi thi..

bada hote huye main apne dosto ke saath cycle par kai baar raaste par jaya karta tha.. garmiyo me shaam ko us talaab ke paas bahut thandak mehsoos hoti thi.. aur jaisey kee hamare ma baap ne hamein bataya tha..ham jab bhi wana jatey to kuch na kuch hamesha us patthar ke samne rakh dete.. yahan tak kee dusrey gaon ka bhi agar koi wahan aata to jeb se ek sikka nikal ke wahan jaror rakhta ya fir us talab me daal deta.. ye baat us ilake me sabko pata thi.. aur sab uska palan kartey they.. jab han wahan sikke chadhatey to dekhtey kee us jagah aur uske aaspas bahut sare sikkey ikattyhey ho chuke they.. abhi pichle mahiney main apne ek dost ravi ke saath wahan gaya tha.. ham dono wahan hamesha kee terah bas ghumney kee liye gaye they.. lekin uske dimaag me kuch aur hee tha.. wahan pahcuhke mera dost uss patthar ke paas pahuch gaya.. aur haath lamba karke us patthar ke upar sikke apni mutthi me bhar ke utha liye.. aur apni jeb me bhar liya.. mainey hairaani se usse pucha.. ye kya kar raha hai..

uski iss harkat se mmujye to bahut darr lag raha tha.. aisa lag raha tha jasiey wo chudail wahin kahin chupp ke hamein dekh rahi hai.. aur usko bhent chadhan to door usne to usi ke sikke chura liye.. mainey usse firse kaha.. ye kya harkat hai.. tu pagal hai kya..are kuch nahi hota yaar.. kyu dar raha hai.. koi chudail vudail nah hai yahan.. dar mat..mainey kaha. arey.. to kisi ne dkeh liya to.. rakhe de ye sare sikke wapis..wo bol.. chup yaar..is time dopahar me koi nahi aata yahan.. aur waisey bhi yahan sitne sary sikke pade hain.. kee main kuch utha bhi liye to kisi ko kuch pata nahi chalega. aur wo chudail .. uska kya.. wo to sirf bhent na chadhan epe hee logo komaar deti hai.. uar tu to ult auske paise hee chura raha hai.. mainey kaha..to wo hansne laga.. bola abe darpok.. kaiis baccho wali baatein kar raha hai.. ye sab purane jamane ke bewakoofo kee baatey hain.. koi chudail vudail nahi hai yahan..itna keh ke wo apni cycle ke paas jane laga.. wahan se jane ke liye.. main bhi uske peechye peecheyjane laga.. lekin jane se pehle mainey apni jeb tatoli ek rumaal.. aur chaabi ka challa nikal ke us pathhar ke aage daal diya.. ye soch ke kee shayad wo chudail isse shaant ho jaaye..ham sahi salamat ghar pahuch gaye.. kuch bhi galat nahi hua.. ab to mujey bhi lagne laga tha kee shayad ye sab mangadhant baatei hain.. logo ko darane ke liye..aatey huey usne ek dukaan se un sikko se ek ice cream bhi khareedi thi..main uspe thoda gussa bhi tha.. kyuki usne sare paisey khud hee rakh liye thee.. mujhey kuch nahi diya tha..kuch din beet gaye.. sab kuch theek thaak raha.. ham total 4 dost they.. aur ham jab bhi us taraf jaatey to hamesha wahan pade sikke utha laatey aur aapas me baant lete.. aatey huey kai baar raste me padne wali dukaan se kuch saman khareed letey ya fir sikko ko apne ghar le jaatey.. lekin hamare gharo me ye baat kisi ko nahi pata thi.. kee ham us chudail ke sikke chura rahe hain..fir kuch din baad.. ek din mera ek dost apne papa mummy ke saath us raaste se ja raha tha.. jatey huey uske papa mummy us pathaar ke paise sikke chadhane pahuchey.. wo whain paas me hee khada tha.. tabhi usne notice kiya kee jangle me ek ajeeb see khamoshi thi.. jo kee normally kabhi nahi hoti thi.. jangle me har samay parindo ka aur patto kee aawazein aati rehti hain.. lekin us samay sab kuch bilkul shaant tha.. koi parninda najar bhi nahi aa raha tha.. lekin ye sirf usi ko mehsoosh ho raha tha.. uske mmummy papa ko nahi.. wo jangle me chaaro taraf dekhne laga.. aur tabhi usko kcuh door ek safed saya ghoomtta hua najar aaya.. wo jo kuch bhitha. . bahut hee bada tha.. itna bada kee wo koi kutta to hohee nahi sakta tha..usne usi waqt apne papa ko us taraf dekhne ko kaha.. lekin uno wahan koi saya najar nahi aaya..jarur koi bandar hoga.. uske papa ne kaha..fir wo wahan se nikal gaye.. lekin wahan se jaatey huey bhi usey aisa mehsoos ho raha tha.. jaisey koi usey pechey se dekh raha hai..

do din baad jab ham teen dost wahan sikke uthane pahuche to iss bar usne ek bhi sikka lene se mana kar diya..
hamne jo bhi iskke uthaye wo maine aur ravi ne aaps me baant liye..tab tak bhi sab kuch theek tha.. lekin fir 4 din baad..hamein wo sach me dikhai dee.. wo.. us jangle kee chudail..tab tak ham logo kee aadat ban chuki thi.. kee ham har teesery chauthey din wahan pahuch jatey aur sikko ke saath asath aur bhi choti moti cheejein ya kuch khaane kee chejein wahan rakho hoti.. wo utha latey..shaam kareeb 4 baje.. ham dono sikke utha ke cycle se wapis aa rahe they.. aur bas jangle se bahar nikalne hee wale they.. jangle bilkul shaant tha.. aur tabhi.. hamein side se tehni tootne kee aawaz aayi.. wo aawaz itni paas se aayi thi.. jaisy kee bilkul hamare upar hee ho..

mainey jhat se cycle rok ke peechey mudd ke dekha..ravi bhi rk gaya tha.. wo aawaz ham dono ne suni thi.. aur kareeb 50 kadam door jangle me pedo kee beech hamein wo khadi dikhai dee.. uske baal bikhrey uskey chehre par aa rakhe they.. jisse uska chehra dikhai nahi pad raha tha.. usne safed rang ka purana ganda sa koi kapda pehna hua tha jo jo uske ghutne ke neechey tak aa raha tha.. side me uske patle lmbe haath latke they..usko dekhkar mainey aur ravi ne ek dusrey kee taraf dekha.. aur bina ek shabd bole wahan se full speed me bhaagne lage.. us waqt main itna darr gaya tha kee mujhye saans lena bhi yaad nahi tha.. wo raaasta ab neechey dhaalaan kee taraf tha.. jissey hamari cycle bahut speed me neechey aa rahi thi..neechey aatey huey mainey fir se peechey mud ke dekha.. wo wahin thi.. bina hile.. main umeed kar raha tha kee shayad wo wahan ab na ho.. shayad pehli baar hamein weham hua ho.. mera dil ye maane ko tayyar hee nahi ho raha tha kee hamne abhi abhi ek chudail ko dekha hai.. lekin wo sab sach tha.. ye koi spana nahi tha.. jangle se bahar nikal jane tak ham nahi ruke.. aur bahar aate hee hamne ruke aur cycle side me gira ke.. jameen pe let gaye.. ham buri terah haanf rahe they.. mainy jindagi me kabhi is terah se cycle nahi chali thi.. pyaas ke maare mera gala sokh raha tha.. mujhey paani chahiye tha..

us din ham teeno ne kasam kha lee kee ham aa uske sikke kabhi nahi churaenge.. lekin jo sikke ham chura chuke they unka kya.. kya wo hamko maaf kar degi.. hamara to aage bhi us jangle se raaste se jana laga rahega.. kyuki shehar ka raasta wahi se hoke jata hai.. agar usne hamein pakad ke kha liya to kya hoga..kuch samajh nahi aa raha tha.. naa hee ye baat ham kiisi ko bata sakte they.. kuch dino tak ham kahin nahi gaye. bas ghar me hee rehtey.. hamare dil ka dar bhi ab kam ho chuka tha… fir ek din ravi mere ghar aaya.. wo bahut dara hua tha.. bola kee pichle kuch dino se usey bahut darawne sapne aa rahe hain.. jaisey kee wo jangle me raat me akela bhatakta rehta hai.. mainey kaha mujhey to aisa koi sapna nahi aaya.. is sabki shuruwaat usi ne kee thi.. lekin paise to mainey bhi churaye they.. hamare saath abhi tak kuch bura to nahi hua tha.. lekin hamein pura yakeen tha.. ke kuch na kuch jaldi hee hone wala hai.. ham dono is baat ko mehsoos kar rahe they.. fir mainey kaha.. kee agar hamne abhi tak uske jitne bhi paisey churaye hain.. wo wapis kar de.. aur ussey maafi maang le.. to shayad wo hamein maaf kar de..ravi bola.. haan ho to sakta hai.. lekin uske liye hamein fir se jangle me jana hoga.. agar usne hamein maafi mangne se pehle kee pakad ke maar diya to..mainey kaha.. maar to wo hamein waisye bhi degi.. lekin ham puri jindagi aisey dar dar ke nahi reh saktey. hamein ussey reham kee bheekh maangni hee padegi..

hamein ye karna hee tha.. fir usi shaam main aur ravi dono cycle leke fir se us talaab ke liye nikal agye..
ravi aage aage tha.. wahan jaatey huey dil me ek choti si umeed ye bhi thi.. kee shayad us din wo hamara weham ho.. ya fir wo koi pagal aurat ho.. jisko ham chudail samajh rahe ho..main us talab ke paas pahuchne hee wala tha.. kee tabhi mujhey aage raste ke beech jameen pe kuch chalta hua dikhai diya.. mainey jhatt se brake maari,.. wo ek chota sa saaanp ka baacha tha.. ghaas wala saanp.. mainey aise bahut saanp dekhe they.. ye jehreela nahi hota.. main kuch second wahi ruk ke us saanp ke baache ko jaata dekhne laga.. mujhye ruka dekh ravi bhi aage jaake ruk gaya.. aur mujye aawaz maarne laga..aur mainey jaisey hee uski aawaz kee taraf samne mooh kiya.. mujhye wahi aurat wahan khadi dikhai di.. mujhsey mushkil se 20 kadam door..
bina hiley bilkul seedhi khadi thi.. uski skin gali hui lag rhi thi.. jaise kai der paani me rakhne ke bad ke baad ho jati hai..jangle achanak se bilkul shaant ho chuka tha.. main apni dhadkan bhi sun pa rah atha.. main ek kadam peechey hata.. aur wo ek kadam aage badh gayi..

aur tabhi main uss badhaawasi se bahar nikla aur apni cycle leke teji se wahan se bhaagne laga..
main bhool hee gaya tha kee ravi abhi aage hee hai.. mujhey bas apni jaan bachane ke alawa aur kuch yaad nahi tha.. bhaagtey huey mainey apninajar ke koney se dekha kee wo aurat ab apne chaaro haath pairo par bhaagti hui thi aa rahi thi.. uske pair aisey ghume huey they jaisi kisi makdi ke hotey hain.. uske bhaagtey huye jangle me se tehniya tootne kee aawazein mujhye aa ti ja rahi thi.. aaj maut pakka hai.. kyu.. kyu maine uske wo paisey churaye… meri aankho se aansu nikal rahe they.. lekin shyad mujey uss din nahi marna tha.. main jangle se bahar aa gaya.. jinda.. maine peechey dekha to wo nahi thi..meri jaan bach gayi thi.. lekin ravi.. ravi kahan hai.. mujhye uski bahut fikr ho rahi thi.. mainey kisi ko kuch nahi bataya.. bas chupchaap apne kmare me dubka raha.. maine soch liya tha kee aaj raat apne gharwalo ko sab kuch bata dunga.. lekin fir kareeb aadhe ghantey baad hee gaon me hangama fail gaya.. ravi mar gaya tha.. uski maut us talab me dubne se hui thi.. gaon ka hee ek aadmi jab us talab me paisey dalne pahucha to usko ravi kee laask wahan tairti najar aayi.. uski cycle us patthar ke neechey rakhi thi.. jaisye kee wo bhent ke taur par wahan rakhi gayi ho..mujhey to ravi kee maut kee khabar sunke itna jhatka laga.. kee main bata nahi sakta.. wo mera sabse acha dost tha.. gaon ke log terah terah kee baatein kar rahe they.. koi keh raha tha kee shayad wo wahan kheltey huey talab me gir gaya… to koi keh raha tha kee usne jarur wahan se paise churaye honge.. isliye us chudail ne uski bali le li.. kyuki unko uski jeb se kuch sikke bhi mile they.. main logo ko sab kuch bata dena chahta tha.. lekin chah ke bhi kuch nahi bata saka.. kyuki fir pura gaon hamare khillaaf ho jata.. us chudail ko naraj karne ke liye..ye kareeb ek hafte pehle kee baat hai.. us din se abhi tak main so bhi nahi paya hoon.. raat me aankh band hotey hee lagta hai.. jaisey uska haath mere chehrey pe hai.. mujhye nahi lagta main jyada dino tak bachunga..

Sharing is caring!