gaddhe ka shaitaan

Mera naam Ranavijay kumar hai.. mere pita ek bijli company mein karmachaaree hain.. aaj se kareeb ek maheene pahale kee baat hai, maan nen mujhe mandee ja kar sabzee laane ko kaha.. main apana kaam nipata kar baazaar kee aur jaane laga, tabhee achaanak mujhe zor zor se ek kutte ke rone kee aavaaz aane lagee.. mainne peechhe mud kar dekha to, pata chala kee wahaan par ek andar constraction makaan tha.. mujhe laga kee bhookh ke maare kutta ro raha hoga.. is lie, sabzee le kar aate waqt, main biskut ka paikit le kar, us makaan kee aur jaane laga.. taaki us kutte ko kuchh khila sakoon.. abhee mein makaan ke daravaaze tak pahuncha to, aur zor zor se kutta rone laga.. isake saath saath us makaan kee khulee seevej (ban rahee khulee tankee) ka chhichhala paanee zor zor se uchhalane laga.. yah sab dekh kar mere haath paanv phool gae.. main sabzee ka thaila aur biscuit waheen gira kar us khulee tankee kee aur bhaaga.. mujhe laga kaheen paanee bharee tankee mein kutta doob raha hoga.. lekin jab mainne wahaan andar jhaanka to meree rooh kaanp gayee.. us zameenee tankee ke gaddhe mein ek kaala kutta sisak raha tha.. pahale to mujhe laga kee, wah usamen gir gaya hoga.. lekin thodee der waheen rahane par mujhe khaufanaak hakeekat ka pata chala.. kutta ek kone mein sata hua tha phir bhee, usaka pair baar baar paanee ke andar khincha ja raha tha.. mainne thodee himmat kar ke aasapaas se chhatt bharane ka lattha uthaaya aur, us tankee ke chhichhale paanee mein ghopane laga.. voh meree himmat thee ya bevakoophee ye pata nahin lekin, main wah sab kare ja raha tha.. lagaataar lattha chhichhale paanee mein ghopane ke baad mujhe ehasaas hua kee paanee ke andar latthe ko koee pakad raha hai.. yah sab dekh kar mere paseene chhut gae.. mainne jatake se lattha chhod diya.. phir achaanak ek bhayaanak ghurraahat vaalee cheekh sunee.. usee waqt meree nazaron ke saamane wah dara hua kutta chhichhale paanee ke niche khinch gaya..

Aur dusare hee pal mein, mere saamane us kutte ka kata hua mund paanee mein tairane laga.. yah sab dekh kar,,, main fauran wahaan se bhaaga aur naake par ja kar zor zor se cheekhane laga.. log ikaththa hue.. main sab ko le kar us tankee ke paas gaya.. wahaan par ja kar dekha to kuchh bhee nahin bacha tha.. shaayad us anjaan shakti nen kutte ka mund bhee chaba liya hoga.. main us waqt kuchh bhee saabit nahin kar paaya.. logon nen mera khoob mazaak udaaya.. phir main ghar chala aaya.. us khaufanaak kisse ke baare mein baat karate hue aaj bhee mere rongate khade ho jaate hain.. koee maane ya na maane mujhe pakka yakeen hai kee us gaddhe mein koee bhayaanak shakti maujood hai.. mujhe is baat par aur pakka yakeen tab hua jab, mainne wahaan ek mazadoor kee maut kee khabar sunee.. aas padaus ke log bataate hain kee chappal kee pattee tootane se wah gir kar mara.. lekin mera dil jaanata tha kee us jagah par us gaddhe ka shaitaan mandara raha hai.. kaha ja raha hai kee us mazadoor ka accident hone ke baad wah usee khule hue seevej gaddhe mein gira tha jahaan mainne wah dil dehala dene vaala manzar dekha tha.. mujhe ek baat bahut pareshaan karatee hai, jab wah makaan ban jaayega to wahaan rahane vaale logon kee kya haalat hogee.. mainne apane bure anubhav kee baat failaana shuroo kiya to, mere ghar par hee museebat aan padee.. us makaan ka bildar ghar par aa dhamaka.. aur phir, makaan ko badanaam karane kee shikaayat mere paapa se karane laga.. us kisse kee vajah se papa ne pheli baar mujh par haath uthaaya.. ab main ghar par rehana nahin chaahata tha.. eshi lie mainne hostal mein rehne lgaa.. phir mainne socha logon ko apane is daraavane anubhav ke baare mein bataana chaahie…

Sharing is caring!