cinemaghar – wo bhayaanak dopahar

Mera naam Suman hai aur main ek arts student hoon.. papa ek sarkaari affsar hone ki wajah se hamen baar baar shehar badlna hota tha. Dehradun mein accha college milate hee mainne waha addmission le liya. class mein pahale hee dinn meree mulaakaat rupa se huee. wah dikhane mein sundar aur swabhaav se bade chanchal thi. use paise kharch karane aur ghoomane-phirane ka bada shaukh tha. apne isee aadat ke kaaran rupa ek dinn rooh kapakapa dene vaalee museebat mein phas gaye.. ek dost hone ke naate mainne use baar baar samajhaaya lekinn meree har koshish naakaam rahee. darasal wah apne chhotee chhotee zarooraten pooree karane ke liye ladakon ko tahelaatee rahatee thi. us bhayaanak dopahar ka samay aaj bhee mujhe yaad hai, jab hamane baragad ke ped ke neeche khade us ladke ko dekha.. kolej jald khatm hua tha to rupa har kimat par us waqt film dekhane jaana chaahti thi. hamaare paas zyaada paise nahi the to, rupa ne us ladke ke kharch par yah trip enjoy karane ka plan banaaya. main is tarah ki ochhee harakat ke liye bilakul sahmth nahi thi. phir bhee pata nahi kyoon mainn us waqt khud ko rok na saki.. thodee hee der mein wah ladaka ham donon ko film le jaane ke liye taiyaar ho gaya. pata nahi kyoon mera dil buree tarah gabhara raha tha. us ladke ki aankhon mein gaharee udaaseenata thi, aur saath chalate ajeeb gandh mahasoos ho rahee thi. ham teenon chalate chalate cinemaghar ke paas ja pahunche. to achaanak wah ladaka jhaadeeon ke paas ruk gaya. yah bada ajeeb tha, mainne aur rupa ne use haath se ishaara kar ke cinemaghar ki aur aane ko kaha, lekinn wah udaaseenata bharee nigaah se hamaaree aur dekhata raha. ab mainn khatara bhaap chuki thi. kuchh to thik nahi tha. mainne rupa ko usaki aur jaane se rok diya. lekinn wah mera haath jhatak kar usaki aur badh gayee.. ek pal ke liye jaise mere pair wah een zameen mein gadh gae. mere maathe par achanak paseene chhoot gaye. kuchh hee der mein rupa us ladke ke paas thi. wah ushe jaldee se saath aane ko shaayad bol rahee thi. taaki picture shuroo na ho jae. shaayad rupa ko yah malaal tha ki kaheen wah ladaka koi bahaana bana kar mukar na jae.. main door se unaki bahas saaf saaf nahi sun pa rahee thi. achaanak us ladke ne rupa ki kalaye pakad le aur, wah use jhaadeeon ke peechhe kheenchane laga..

Yah sab dekh kar mere rongate khade ho gae aur meree cheekh nikal gayee. mera dil badee tezee se dhadakane laga.. mainne madad ke liye idhar udhar dekha to,,,..agale hee pal wah donon meree nazaron se gaayab the. main rotee cheekhatee unke aur daud padee. shaayad mujhe theater kee aur ja kar logon se madad laanee chaahie thee. lekinn inn donon kee aur bhaagana mera turenth nirnay tha. mainne paas ja kar chhaanabeen kee to, wahaan rupa zameen par besudh padee milee. usake chehare par kharonche jaane ke nishaan the. usake haath par gaharee soojhan thee aur usaka chehara khaufazada tha. phir meree nazar usakee salavaar kee aur gayee. wahaan gahare laal khoon ke dhabbe the.. abhee meinn kuchh boloon usake pahale rupa nen mere munh par haath rakh diya aur chunaree se daag chhipa liye. usane mujhe kaha ki, sahaara de kar ghar tak pahuncha do. aur baakee sab bhool jao.. mainne raaste meinn baar baar use poochha kee, us ek pal meinn yah sab kaise hua. wah ladaka kaise gaayab hua. usane kya kiya? lekinn wah kuchh nahinn bolee. ghar pahunchane par mainne rupa ko hamaaree dostee kee kasam bhee dee. taaki wah mujhe sach sach bata de kee wahaan hua kya tha. lekinn aansoo bharee nigaahon se wah sirph itana bolee kee,,,..agar too apne is dost ko zinnda dekhana chaahatee hai to, is haadase ke baare meinn mujhase kuchh bhee nahi poochhogee. is ghatana ke baad wah pooree tarah se badal gayee. usane hansana muskuraana jaise chhod hee diya. usaka kolej bhee chhoot gaya. un chand minaton mein ghatith huye us haadase meinn, meree dost par kya guzaree hogee yah to wahee bata sakatee hai. aaj bhee mainn der raat meinn khauf se jaag jaatee hoon aur sochatee hoon kee, kaash us manhoos dinn ko main apne aur rupa kee zinndagee se nikaal sakatee..

Sharing is caring!

Close Menu
error: Content is protected !!